Propoqanda
Təzə bir şey
11.07.2008 // H.O.S.T'un sayca ikinci görüşü baş tutdu. Qarşılıqlı fikir döyüşündən sonra, müasir cəmiyyət və onun problemləri haqda müzakirələr aparıldı, bəzi qənaətlərə gəlindi. Məsələn, dünyanı xilas etmək artıq çox vacibdi. Gələn görüşə qədər bu mövzunun açılmamasına qərar verildi. Hətta növbəti görüşdə də bu çövzu açılmaycaq. Sənədlər yandırıldı, məlumatlar məhv edildi, izlər itirildi...
06.07.2008 // PRoMete Azadlıq radiosunda "Rap Time" verlişinə dəvət olunmuşdu. Səs rejissorları və səsyazma haqda müzakirəylə yanaşı H.O.S.T`la bağlı bir neçə suallara da aydınlıq gətirən Mete`nin verlişdəki çıxışını buradan yükləyə bilərsiz.
29.06.2008 // H.O.S.T.-un H.O.S.T.-çularla ilk görüşü keçirildi. Görüşdə Alyansı Mete və Feck təmsil edirdi. Görüş Dağüstü parkda, dostluq və əminamanlıq şəraitində keçdi. “Xoş-beş-on beş”dən sonra Mete görüşə gələn H.O.S.T.sevərlərə sürpriz hazırladığını söylədi və hamını “Vətən” kinoteatrında “Fight Club” filmini izləməyə apardı. Happy End.
23.06.2008 // H.O.S.T.-un “Qarada Qırmızı” albomu və Qaraqanın “A” adlı kitabı çox böyük sürətlə satılmaqda davam edir. Satış nöqtələrində çalışan insanlar bu cür yüksək satış nəticələrinin ilk dəfədir şahidi olduqlarını yazırlar.
07.06.2008 // H.O.S.T.-un aparıcı üzvlərindən olan Qaraqan və Aid, həmçinin eks-H.O.S.T.-çu Dərviş 3 aylıq müddətə Amerikaya gediblər. Amerikanın Re-kəşfi haqda qayıdandan sonra ətraflı məlumat veriləcək. Gözləriniz bizdə olsun.
13.06.2008 // Qaraqanın “A”adlı kitabı nəşr olundu.
Sitat
"Doxsan illik keçmişimlə iyirmi yaşda neyliyim?
Əllərim bağlı, qarğalar ciyərimi çeyniyir!.."
- Qaraqan
Hücuma başladıq!
Bir gün ətrafımızdakı insanların öz şəxsiyyət vəsiqələrindəki seriya nömrələri kimi proqramlaşdırıldığını gördük. Ruhumuzu vermək istədik onlara.
Bir gün ətrafımızdakı insanların Bakının sahibsiz ağaclarının başında məskən qurmuş kulyoklar kimi boz rəngə büründüklərini gördük. Damarımızı kəsib qanımızı sıçratmaq istədik üzərlərinə.
Bir gün ətrafımızdakı insanların həyatlarının reklamlar kimi mənasız və yalan olduğunu gördük. Televizorlarını söndürmək, pəncərənin o tayında qaynayan həyata qoşulmalarını istədik.
Yalanların, yalançıların, fahişələrin, sutenyorların, mavilərin, lezbiyanların, yanıqların, acgözlərin, taxtabaşların, rüşvətxorların, qulların, quldarların, savadsızlığın, rəngsizliyin, mənasızlığın üzünə tüpürdük və hücuma başladıq. Qaldır əllərini, sən də qoşul ordumuza, yırtaq içalatını düşmənlərimizin!
Silahımız nə bıçaqdı, nə də tapança. Amma onları qorxudacaq qədər, qorxudan altlarını batırdacaq qədər təhlükəlidi. Qələm, mikrofon və beyin qırışdıran hər şey. Fikirlərimizi orduya çevirdik, ordumuz onların belini sındıracaaaaaaaaq!
Seç artıq, ya bizimləsən, ya altımızda...
Manifest
Bəsdir tənqid, bəsdir sadəcə sözlərdə iş, bəsdir sadəcə mahnılar, bəsdir sadəcə verliş!..
... artıq satışda
Tam xaos. Paranoya. Həyatdan bezmiş bir qrup gənc dünyanın xilasını onun məhvində görür..
Müasir Bakı, çağdaş problemlər. “Biz dünyaya niyə gəlmişik?”. Ən dərin fəlsəfi suallara ən sərt cavablar. A kimdir? O nə etmək istəyir? Kontr-kultura, alternativ düşüncə. Ən dəhşətli yanğınlar kiçik qığılcımdan başlayır... // Qaraqan (kitabı Akademik kitabaxanasından əldə edə bilərsiz. Nizami küçəsi, Azərbaycan k/t-na gedən yol)
H.O.S.T'un yeni albomu "Qarada Qırmızı" işıq üzü gördü. 18 mahnıdan ibarət olan albom "Proloq"un davamı sayıla bilər. H.O.S.T bu mahnılarda bütün fəlsəfəsini və izlədiyi yolu açıqlayır. Qrupun sayca ikinci albomunu yalnız Nizami Gəncəvi küçəsi (Torqovı), 48 ünvanında yerləşən "MGM" mağazasından (MakDonalds`ın arxası) əldə edə bilərsən.